الهانم !!!!!!!!!!!!!!!!!! والشغالة

المساهمات : 93 تاريخ التسجيل : 09/09/2009 العمر : 41

الهانم !!!!!!!!!!!!!!!!!! والشغالة

[هم يضحك وهم يبكى
ده احنا الى كتب كتابنا كان مخدمااااااتي مش ماذوني

هى صحيح جمله معبره جدا جدا

بس انا لما دققت كده لقيت انه لاااااا كمان ولا حصلناها

طب حد فيكم عنده شغاله ؟

طب اليكم عشر فروق جوهريه بين الزوجه والشغاله :

اولا الشغاله بتاخد مرتب محترم اي والله محترم احسن من الموظفين فى بلدنا للاسف الشديد

الزوجه بتاخد ايه ؟؟ بتاخد كلمتين فى جنابها ممكن ؟؟!!

ثانيا : الشغاله لها يوم اجازه فى الاسبوع وحتى لو مقيمه المفروض القانون بيكفل لها ساعات راحه يوميه ونوم واكل واجازه سنويه كمان

الزوجه بقى يا حبة عين امها شغاله اربعه وعشرين ساعه فى اليوم 365 يوم فى السنه ولا عطل ولا اجازات حتى وهى نااااااااايمه

المفروض تكون فى وضع الاستعداد يعنى اون ديموند على طول . ويا حبذا لو نامت تحلم انها بتغسل الاطباق .

ثالثا : الشغاله ما بتذاكرش للولاد ولا بتوديهم للدكاتره ولا بتشتري لهم لبس ولا الافلام دي كلها

الزوجه بتعمل كل ده يا حبة عينى فوق البيعه كده .

رابعا: فرضا الشغاله بتشتغل شغلتين كل واحده نص يوم فبتاخد مرتب من الشغلتين طبعااااااا

الزوجه بقى لو فكرت تشتغل فهى بتشتغل نص اليوم الاولاني وتاخد مرتب تصرفه على البيت الى شغاله فيه نص اليوم التااااااني وتطلع منفضه برضه ولله الحمد .

خامسا : الشغاله بتلاقي الى يقول حرام اكلوها كويس وحرام لبسها وحرام عاملها كويس ولو ضربوها ترفع عليهم قضيه وتطلع عنيهم

الزوجه قطع فيها براحتك يا معلم هاتلاقي مليون لسان عايز قطعه بيقولها استحملي واصبري وربي عيالك وايه يعنى ماهو جوزك برضه

سادسا : الشغاله بتلبس اي حاجه وشكلها مش مهم وبتخلص شغلها وتروح او تنام

الزوجه هيهات . لازم تشتغل شغل الخدامين ده كله وبعدين تبقى فى نفس ذات الوقت حلوه ولابسه شيك وفاتحه بؤها اثنين متر بابتسامه عريضه والا تبقى زوجه مهمله فى نفسها ومش مراعيه حق جوزها .

سابعا :الشغاله لما بتمرض بتاخد اجازه ولو كانت مقيمه عندك هاتمرضها وتجيبلها الدكتور و العلاج

الزوجه تمرض ما تمرضش مالناش دعوه البيت ماشي عااااادي بس زي بعضه بنجيب لها الدوا

ثامنا : الشغاله مش هاتمن عليها بالفلوس الى بتصرفها على اكلها وشربهاولبسها ومرتبها لو كانت مقيمه

الزوجه تقدر كل يوم الصبح تعايرها انك أنيها وبتصرف عليها هى وعيالها (على اساس ان ده مش فرض عليك غصب عنك وان العيال دول هى جايباهم من السوبر ماركت لحسابها)

تاسعا: الشغاله تقدر فى اي وقت وبكل بساطه تمشي وتسيبك تتفلق انت وعيالك والى خلفوك

الزوجه للاسف ما تقدرش تعمل كده عشان عيالها وعشان المجتمع كله هايحكمها ويحكم عليها بالاعدام لو عملت كده

عاشرا : لو قليت اصلك وعملت حاجه مش تمام مع الشغاله هاتروح النار اولا وجايز الشغاله تبتزك وجايز تفضحك وتبقى فضيحتك بجلاجل

الزوجه حاجه ببلاش كده وياريت تامر فيك ده انت بتتامر وعينك على ابو سيلكون يا طفس

بس خلاص كفااااااااااااايه

المساهمات : 104 تاريخ التسجيل : 26/09/2009

اية الفرق اكبير ده
وياريت عاجب
كله بثوابه
الي عند ربنا مايضعيش
الهانم !!!!!!!!!!!!!!!!!! والشغالة Drunken_smilie

هنعمل ايه ده قدرنا وما حدش بياخد اكتر من نصيبه وربنا يعوضنا خير ان شاء الله

المساهمات : 93 تاريخ التسجيل : 09/09/2009 العمر : 41

شكرا يا ساينس انتي وسمسم على اهتمامكم و ردكم على الموضوع و أحب اقولكم رايي بصراحه .... احنا كلنا بنحب نخدم في بيوتنا لان محدش فينا يرضى تكون مملكته مش نظيفه او حتى عصافيره الصغيرين مش كويسين كل بنت بيكون نفسها ولادها يكونوا احسن منها ويكون بيتها هو اجمل بيت في الكون .... لكن ده ميمنعش ان المفروض يكون فيه تقدير من الطرف التاني وانه يعرف ان ده مش فرض ولكنه تطوع نابع من شعور المسؤليه اللي بتحسه الست تجاه بيتها...

و ربنا يدينا الصحه و يبعد الشغاااااااااااااااله عن بيوتنا

شكرا علي الموضوع الرائع