مسرحيه (اتربي كويس)

مسرحيه كل المشكلات
على فكرة المسرحيه دى من تاليف محمد راضي وستعرض فى المركز قريبا ولكن مسرحيه جميله
للتحميل
http://rapidshare.com/files/302011262/____________.rtf.html

للفراءة

بداية المسرحية عرض جوالة المشهد الاول:العائلة الروشة الام: طبيبة/ الاب: رجل اعمال يسمى حازم نصار قاعدين بيشربو شاى مع بعض قبل نزولهم الشغل الاب قاعد يقرا جرنال ومسك الفنجان وبيقول لزوجته:"استناكى على الغدا ولا هتتاخرى زى امبارح" الام: والله يا حبيبى مش عارفة على حسب الظروف اصل امبارح كنت خلاص ماشية بس جت حالة مستعجلة وكان لازم اتابعها بنفسى0 بس انشاء الله النهاردة هاجى على الغدا المهم انت تيجى مش زى اول امبارح (هه) فاكر قعدت مستنياك وفى الاخر مجتش0 الاب: اعمل ايه طب يا حبيبتي الشغل كان كتير ومكنش ينفع اسيبه ع العموم يا ستي وحدة وحدة وملحوقة النهاردة نتغدى كلنا برةفي النادي ايه رايك؟ الام: لالالا0نادى ايه ياعم ده انا يا دوبك هاجى آكل بسرعة و اروح ع العيادة احسن النهاردة عندى كشوفات كتيييرة0 ونظرت في الساعة وقالت:ياااااه اهو الكلام خدنا وتاخرت على المستشفى باي بأه0 ونظر هو الاخر في ساعته وقال: وانا كمان اتاخرت 0وهم الاب بالقيام ولكن استوقفته ابنته بوسى والتى قالت(بوسى): صباح الخير يا بابي0 الاب:صباح النور يا حبيبتى بوسى: ايه يا جميل يعنى مامي مشيت وسابتك انت مزعل الجو ولا ايه الاب:يابنت بطلي الالفاظ دى بوسي: يا عم كبر,المهم ايدك على 500جنيه0 الاب:هو انتى مش لسه وخده مني امبارح 500 جنيه0 بوسي: اينعم يا باشا الاب: امال عايزة500 جنيه تانى ليه0 بوسي:الله يا باشا اصل عيد ميلاد وحدة صحبتى النهارده ولازم اجيبلها هدية تليق ببنت حازم بيه نصار0 الاب: اللى هو انا يعنى0 بوسي:يس ده حتى ال500 جنيه يا دوبك هتقضى, وبعدين يا باشا عيب قوى اني اضيع وقتك اللي بملايين عشان شوية ملاليم0انجز بقى يا بابى وهاتهم خلينى الحق المحاضرة الاولى وانت كمان تلحق شغلك0 الاب: اتفضلي ياآنسة بوسي آدى 1000 جنيه عشان تجيبي اغلى هديه المهم تفرجيها على اصحابك في الاول عشان يعرفو انتى مين و بنت مين اوكى يا بوسي0 بوسى: اوكى يا داد يلا باي المشهد الثانى: العائلة الصعيدية الام اسمها بهانه قاعدة بتنقي الرزعلى الكنبة0الباب خبط فقالت:مين الاب:افتحي يا حرمه الام: عوضين الاب:امال هيكون مين غيري افتحي يا ولية0 الام: حاضر حاضر ياعوضين انا جية اهو0فتحت الباب وقالها عوضين:ايه يا وليه سنة عشان تفتحى الباب الام:اها,جرى ايه يا راجل هو انا كنت وقفة ورا الباب ولا وقفةورا الباب يعني وبعدين يا راجل الناس كلها بتدخل بترمى السلام علي فيها لكن انت كل يوم كده لازم تدخل بزعابيبك الاب:بص الولية وحديدها الماسخ ايه يا بهانة انت بلعة راديو ولا ايه0قصره عمللنا ايه وكل النهاردة الام:خش طس وشك بحبة ميه لحد مخلص الوكل0 الاب:بص الحرمة ولكعتها,يا ولية لسة ما خلصتيش الوكل لحد دلقيت0 الام:اها,شوف الراجل اعملك ايه يعنى منت اللى جيت بدرى النهاردة مش بعادة0خير يا عوضين ولون وشك ميطمنش نظر الاب يمين ويسار وقال للام:امال فين البت هنادى من ساعة ما دخلت الدار و انا مش ناضرها الام:اصل هنادي يا كبد امها رجعت من الجامعة تعبانة فدخلت تنعسلها شوية0 الاب: كلمتيها الام: لع0 الاب:ليه بقه,هو انا مش مشددعليكي تكلميها يا وليه يا خرفانة انت ولا آنه مفيش كلمة تتسمعلي في الدار ده0 الام:وه جرى ايه يا عوضين نسيت يا راجل, وبعدين البت يا كبد امهابترجع من الجامعة تعبانة ويا دوبك بتنعسلها شوية وعد اكده بتعاود تذاكرلها كلمتين,مكنش فى وقت اكلمها فيه وبعدين يا راجل المواضيع اللى زي اكده عايزالها وقت0 الاب: وقت0وقت ايه يا ولية اللي عما تقولي عليه يا ولية يا خرفانة انتي, لما تقوليلها ان واد عمها رايد يتجوزها وطلب يدها مني ونا وفقت يبقى وقت ايه اللى انتي بتقولى عليه,ياك انتى لساكي هتتشاوري معاها وتشوفيها اذا كانت ريداه ولا له, اسمعي يا بهانه هنادي لعزت و عزت لهنادي انت يا دوبك هتقوليلها عشان تكون دارية بالموضوع و انشاء الله بعد موسم القصب يبقى نشتري الشبكة آني اتفقت مع خوي بكده,مفهوم يابهانة ولا اقثول مللوول0تقوليلها النهارده سمعاني النهاردة يا بهانه0 الام: حاضر يا عوضين هقولها0ودخلت الام تصحى بنتها الام:هنادي قومي يا بتى قومى يا بتي الله يرضى عنيكي قومى0 هنادي: ايوه ياماي ايوه,سبيني انعسلي شوية ياماي0 الام: يا بتي قومي تعبتي قلبي ريده اتحدد معاكي كلمتين0 قامت هنادي وهي بتدعك في عنيها و قالت:ايوه ياماي اتحددي انا سمعاكى0 الام:بصي يا بتي بوكي لسه دلقيت موكد عليه اني اخبرك ان واد عمك طلب يدك منه, وبوكي و عمك مستنيين يخلص موسم القصب وبعدها يشتروا شبكتك يا عروسة, ايه قولك بقه في الحديد اللي سمعتيه؟0 هنادي: بتقولي ايه يامي عزت واد عمي0 الام: ايوه يا بنتي عزت واد عمك, طيب وراجل و فوق ده كله انه واد عمك هيصونك و يحميكى وهو اولى من الغريب0 هنادي: ايوه ياماي انا مقولتش حاجه عفشه في عزت لاسمح الله انا كل اللي بقولو ان عزت واد عمي زي خوي وعمري ماجه على بالي انه يكون جوزي في يوم مليام0 الام: وهو حصل وجه وطلب يدك من بوكى وبوكى طبعا موافق وقالي اقولك واعرفك عشان تعملي حسابك وتجهزي نفسك لعريسك واد عمك0 هنادي: يوووووه0واد عمي واد عمي مكفياكي عاد ياماي انا مريداش اتجوز واد عمي ايه قولك بقه؟؟؟؟؟؟؟؟؟0 الام: وه وه وه وه يا مرك يا بهانه علي سمعتيه من بتك دلقيت احنا معنديناش ابنته يقولو لع-هنادي- انت مخبيه عليه حاجة اكده ولا اكده يابتي؟0 هنادي: حاجة!حاجة ايه يامايا,له طبعا0 الام: هنادي يا بتي اوعي يكون في حد لعب بعقلك اكده ولا اكده احسن انا خابره ولاد اليامين دول و خصوصي بنات وولاد الجامعه0 هنادي:متخافيش ياماي على بتك انا ملييش صالح بلاشكال دي واصل وبعدين يامايا انا ملبيت للجامعه وملجامعه للبيت لا بروح يمين ولا شمال0 الام: امال يابتي مالك مش نضراكي فرحانة؟ هنادي:ياماي0ياماي عزت واد عمي الف ابنته تتمناه لكن انا وهو متربيين مع بعضينا في دار واحد يعنى كيف لخوات يبقى كيف عاد ريديني اتجوزه له ياماي له والف له كمان0 الاب: يابهانه000يابهانه0 الام: اهه بوكي صحي من نوم كتمي كتمي ع الموضوع دلقيت لحد اما اقعد معاكي تاني بس سايقه عليكي النيى صلى الله عليه وسلم لتفكري احسن بوكي شكله اكده عطى كلمه لعمك ونتي دريانة ببوكي لما يدي كلمه لحد وطبعا عمك مش اي حد وسعتها يافالحه مش هتقدري تفتحي بقكغير عشان تقولي حاضر يا بوي و بس0 الاب: يا بهانه0000انت يا وليه0 الام:ايه ايوه ياعوضين انا جيه هو0 ومشيت الام ووقفت هنادي تكلم نفسها وقالت: وبعدين يا هنادي هتعملي ايه في المشكلة دي الله يخرب بيتك ياعزت منتا لو كت خوى في الرضاعه مكنش هيحصل ده كله0اعمل ايه دلقيت يا ربي طب و عبده اقوله ايه مهو مفيش حل غير انه ييجي يتقدملي وسعتها هختاره 0انا لازم بكرة انشاء الله اكلمه واقوله انشاء الله0
المشهد الثالث( العائله الرزينه)
الاب : يصلى. الام :تحضر الفطار على المنضده وعند انتهاء الاب من الصلاه قال: السلام عليكم ورحمه الله وبركاته.السلام عليكم ورحمه الله وبركاته
. الام: تقبل الله يا حاج. الاب: منا ومنكم يا حاجه.
الام :يالا ياحاج علشان تفطر . الاب : بسم الله الرحمن الرحيم ( شمر كمه) امال الاولاد فين
الام: يا ريم * يا كريم يالا يا اولاد علشان الفطار ريم: صباح الخير يا امى صباح الخير يا بابا
الام: صباح الخير يا حبيبتى . الاب : صباح الخير يا روح قلب بابا .
ريم: كل سنه وانتو طيبين وربنا يخليكوا لينا يارب والسنه الجايه انشاء الله تكونوا على جبل عرفات يارب
وتجيبو لينا حلاوة المولد من هناك الاب&الام: وانتى طيبه يا روح قلب ماما ويارب اشوفك السنه
الجايه معاكى ابن الحلال اللى يسعدك يا ريم يبنتى يااااااااااارب.... ريم: (هتبوس امها فى راسها )
الاب :كريم.. يا كريم ايه يا ريم هو اخوكى لسه ماصحيش ولا ايه ريم: لا يا بابا صحى بس
اعتقد بيصلى الضحى اهو جه كريم :صباح الخير على احلى اب وام فى الدنيا دى كلها
الاب والام: صباح النور يا حبيبى. ريم: يا سلام يا اخويا مفيش صباح الخير على احلى اخت فى
الدنيا دى كلها ولا انا مش باينه كريم : (ابتسم : وقال ) لا ازاى صباح الخير على احلى واجمل
اخت فيكى يا جمهوريه مصر العربيه ريم : ايوة كده .. صباح الخير ياخويا..
وجلس كريم على المنضده لكى يفطر فقال الاب لريم : هتعملى ايه يا ريم النهارده فى مولد النبى
(صلى الله عليه وسلم) .. ريم: انا بقى يا ولدى هعمل بحديث رسول الله صلى الله عليه وسلم
اللى قال فيه (( من صلى على صلاه صلى الله عليه عشر))..هصلى على النبى ( صلى الله عليه وسلم كتيييييييييييير النهاردة سواء مابين كل صلاه وصلاه او طول ما انا قاعده فاضيه ودى فى
رأيى هتبقى اجمل هديه لحبيبى محمد(صلى الله عليه وسلم) يوم مولده ولا انت ايه رأيك يا كريم
كريم: والله عندك حق وانا كمان فى رأيى بجانب الصلاه على النبى (صلى الله عليه وسلم) انا
هقعد على النت واقعد اقرى عن السيرة النبويه سواء كانت لابن هشام او لاى كاتب من الكتاب اللى كتبو عنها وبكده اكون عرضت السيرة النبويه فى مولد النبى (صلى الله عليه وسلم)
الاب : بارك الله فيكم يا اولاد المهم عندى ان اللى انتوا هتعملوهالنهارده ما يقتصرش على النهاردة بس لا انا عايز كدا على طول ما انتوا فاضيين تقعدو تصلوا على النبى (صلى الله عليه
وسلم) ويارب ربنا يرزقنا شفاعته يوم القيامه
الام والاولاد : اللهم امين يارب . ريم :امى بعد اذنك . انا كنت شفت عبايه وبصراحه كده عجبتنى فبستأذنك يعنى انك تنزلى معايا وتشوفيها لو عجبتك يبقى نجيبها.
الام : انا لو هنزل فانا يا ريم فأنا هنزل عشان نشتريها سوى مادام عجباكي0 ريم:أيوة يا امي بس0 الام: بس ايه يا ريم يا حبيبتي انا متاكدة ان بنوتي حبيبتي عمرها ما هتقبل على نفسها تجيب حاجة تجسم جسمها انا بنتي حبيبتي دايما بتجيب حاجة حشمة ووسعة ,شوفي انتي عايزة كام وانزلي هاتيها0 قامت ريم وباست امها وقالتلها : ربنا يخليكي ليا يا امي انتي وبابا طبعا0 المشهد الرابع:الاصحاب
بوسي واقفة حاطة السماعات في ودنها وبتبص يمين و شمال0 ريم جية عليها وقالت:سلام عليكم ازيك يا بسنت0 بوسي:هي يويو اتاخرت ليه ريم:اعمل ايه يا بسنت المواصلات بقه,الا قوليلي صح كنت فين امبارح بعض المحاضرة التانية اختفيت ومحضرتيش باقي المحاضرات0 بوسي: ياستي كبري الدكتور ده ما بفهمش منه حاجه وبعدين كنت مع الشله في الكافيتريا وطبعا البركة فيكى تديني المحاضرات اللي فاتتني0 ريم:يا بسنت هيه المشكله مش في نقل المحاضرات المشكله انك تفهمي اللي هتنقليه,وبعدين تعالي هنا قعدت ارن عليكي النهاردة في الفجر عشان تصليه زي مااتفقنا مصحتيش ليه0 بوسي: اصل كنت سهرانه على حتة فيلم رومانسي انما ايه تحفه ريم: يابسنت يا حبيبتي سهر كتير عشان تعري تصحي بدري وتيجي فايقة للمحاضرات وكمان عشان مايضعش عليكي صلاة الفجر اللي ثوابها عظيم عند ربنا سبحانه وتعالى0 بوسي:حاضر ياست الشيخة هشرب اللبن ونام بدرى المهم هاتي اصور المحاضرات اللي فاتتني0ريم:حاضر بس خلاص المحاضرة هتبدا بعدما تخلص ابقي صوريها يلا بقه عشان مانتاخرش0 ريم:يوووه ياريم شويه من المحاضرات بقلك ايه ما تيجي نقعد شويه في الكافيتريا اصل بيني و بينك مش طالبه محضرات النهاردة ريم:يا بنتي هو انتي على طول كده مش طالبه معاكي محاضرات خالص مال امتى هتطب لما السنه تخلص يا بسنت خلاص الامتحانات قربت ولازم بقه تنتبهي لنفسك شوية بوسي:ماشي ماشي بعدين بقه عديها النهاردةهاتي (بصت ورا ريم لقت هنادي جية فقالت)يييه ياساتر يارب ريم:ايه يابسنت مالك0بوسي: بص وراكي ونتي تعرفي مش دي البنت المقفله انا مش عارفة انتي ماشية معاها ازاي دي ماتعرفش اى حاجة عن الاتيكيت ريم :بصت وراها لقتها هنادي فقالت:دي هنادي يا بنتي دي طيبة قوي ومحترمة هنادي جت وقفت جمب ريم وقالت:صباح الخير يا ريم0 ريم:صباح الخير يا هنادي ازيك عاملة ايه هنادي:زين الحمد الله ريم:اعرفكم على بعض0بسنت0هنادي (بوسي)ضحكت وقالت لريم:هتنادمي على مين هنادي:بتمثل ضحكتها بغيظ وقالت لبوسي:بتقل لك اسمي هنادي ايه مش عاجب سيادتك0ريم:ايه ياجماعه في ايه بوسي بتقول لهنادي:عموما يا آنسه هنادي I am sorryوعلى فكره بيدلعوني ويقولولي يا بوسي اذا عرفتي تنطقيها اصلا0 هنادي:بوسي0ده اسم الكلبه اللي عند بت العمدة0قصرى عشان مش فايقالك بوسي:اوكي يا ريم ابقى اشوفك بعد المحاضرة see you later0باااي هنادي:شوف البت ومياستها, انا مش عارفه يا ريم كيف طايقه تقفي مع البت ده فمتو ثانيه على بعضها انا مكرهش في حياتي اد اللي تقولك بابي ومامي وهاي باي جيهم وكسه توكسهم ريم:ضحكت وقالت سيبك منها من الواضح كده ان القلوب عند بعضيها0المهم طمنيني عليكي عامله ايه؟ هنادي:ريم عايزاكي في موضوع مهم ريم:خير يا هنادي0 هنادي:بوي ريم:ماله باباكي هنادي:عايز يجوزني لواد عمي عزت ونا مش ريداه ريم:هو ابن عمك ده وحش يعنى ولا ايه؟ هنادي:بالعكس ياريته كان اكده ده شب طيب وزين و راجل وفوق كل ده واد عمي يعني هيصوني و يحميني كمان ارضنا ماتروحش للغريب على قول ابوي0 ريم:ايه الكلام الغريب ده مادام انتي مش عايزاه ماحدش يقدر يغصبك على حاجه هنادي:اسكتي يا ريم انتي ماخبراشي حاجه واصل0انتي بتتحددي اي حديد وبس لانك ماتدريش ببوي ولا بعويدنا و تقاليدنا عندينا كل ولاد العمام بيتجوزوا بعضيهم عشان اسباب كتير من ضمنها الارض,نا لو كانو بيحبوا بعض فده موال تاني0 ريم:بصى يا هنادي انا مقتنعة تماما ان العقل و المنطق بيقولوا ان مفيش انسان على وجه الارض بيعمل حاجه غصب عنهالا بقه لو كان انسان ضعيف بيسيب الظروف هيه اللي تمشيه و بيعلق ضعفه على شماعة العادات و التقاليد0 هنادي:ايوة يا ريم بس00 ريم:بس ايه يا هنادي يا هنادي الجواز ده شركة بين اتنين بيحبوا بعض او ع الاقل متقبلين بعض يا بنتي الجواز ده مشروع العمر كله مش سنه ولا اتنين, ازاي هتقبلي تعيشي مع واحد غصبن عنك, مينفعش يا هنادي ما ينفعش0 هنادي: طب انا هعمل ايه دلقيت يا ريم حطي نفسك مطرحي لو انتي مطرحي و اهلك رايدينك واد عمك و انتي مش ريداه هتعملي ايه؟ ريم:انا لو في مكانك لازم اعمل لنفسي شخصية و ارفض تماما اني اكون مجرد شيئ يحركوني زي ماهما عايزين, انا معاكي ان الام و الاب دايما بيدورولنا على الخير وهما كل شيئ عندنا ولو اهلك حسوا انك مش عايزه ابن عمك ومش شايفة سعادتك معاه ي البداية هيضغطوا عليكي علشان مصلحتك من وجهة نظرهم لكن بعد كده هيسيبوكي على راحتك لما يلاقوا مفيش فايدة وكمان مفيش راجل يقبل على نفسه انه يتجوز واحدة غصب عنها ولا ايه يا هنادي اهم حاجه ان يكون ليكي كيان وشخصية لان دي حياتك و انتي اللي هتعيشيها,فهمتيني ده رايي لو كنت مكانك0اتمسكي بشخصيتكيا هنادي0انا عندي سؤال وياريت تجاوبيني بصراحه؟ هنادي:اتفضلي يا ريم0 ريم:هنادي انت فيه حد في حياتك عشان كده مش موافقه على ابن عمك؟ هنادي:لا طبعا0 ريم:ومالك بتقوليها كده انا لما سالتك كان قصدي ان ممكن يكون في حد معجب بيكي وصرحلك بكده وهيتقدملك اول ما تخلصوا ومعتقدش ان ده عيب ولا حرام وعشان كده مش موافقه على ابن عمك0 هنادي:لع لع لع مفيش حد نهائي هو انا زي ما قلتلك دلقيت انا مش شايفة عزت غير ان واد عمي وزي خوي وبس0 ريم:ع العموم يا هنادي انا قلتلك على رايي واللي انتي شايفاه في مصلحتك اعمليه0بصت ريم في الساعة وقالت لهنادي مش يللا نلحق المحاضرة ولا ايه00هنادي:عندك حق يللا بينا0 المشهد الخامس:روشنة
3 اصدقاء روشين قاعدين مع بعض في شقة حصل الحوار الاتي0 حازم مانشيستر بيقول لهيثم كابو: ايه يا كبير مالك بس آفش كده ومش في المود ايه يامان هيه البت كروتتك0 هيثم كابو:تكروت مين يابني انت عبيط لسة متخلقتش اللي تكروت هيثم حلزم نصار اللي مدوخ نص بنات العالم اللي بس تفكر تكروتني دانا اخليها تجيلي ركعة0 صبحي(بوحه) رد عليه:خلاص يا عم كابو منا كنت عامل زيك كده قعدت اتنفخ اتنفخ لحد ما بقيت زي منتا شايف المهم نظامكم ايه النهارده فيه حركات ولا اترحم على فلوس المواصلات حازم: قوم يا بوحه روح افتح التلاجة وهات ازازة بيره0 هيثم بيقول لحازم: حلو الجوينت ده دا اسمه ايه يا مانشيستر؟ حازم:اسمه كتوموتو هيثم:كتوموتو0وهيغنوا الاغنية و هيدخل بوحه بالازازه وهو بيرقص0وبعد انتهاء الاغنيه بوحه بيقولهم:آدي الازازه ردوا عليه وقالوله: هات الازازه وقعد لاعيبني دي المزه طازه والحال عاجبني بوحه:اقولكوا نكته00جماعة مساطيل بيتفرجوا على الاخبار فنشرة الاخبار طولت فراح الاولانى قال للتانى :هى لية نشرة الاخبار طولت النهارد كدة؟ فراح التانى رد علية وقاله معلش اصل شكلها كدة الحلقة الاخيره0هيضحك بطريقة مضحكه هيثم:بمناسبة النكت واحد مسطول بيسال صاحبه المسطول ايه اسماء اخواتك الشباب؟ قاله:كلهم محسن الا ادهم اسمه تامر حازم: يعني جت عليه اسمعوا دي0مرة واحد مسطول وقف تاكسي كان سواقه برده مسطول قاله تاخد كام وتوديني فين قاله هات اللي تجيبه وانزل هنا0 هيثم هيبص في الساعه بتاعته وقال: اوووه انا عندي مزه دلوقت يالا سلام ميزدات بقه بوحه: استنى خدني معاك هيثم: لا يا عم المره اللي فاتت العجلات الاربعة فشوا, بص انا عندي ليك حل كده انت اجر فيل واشرخ الى الهند اهو تروح هناك مع فصيلتك بدل منت منبوذ هنا حازم:سلام يا كابو هيثم: سلام يامانشيستر0 المشهد السادس
كريم بيتكلم في الموبايل مع صاحبه حسام فبيقوله:ايوه يا حسام يابني انت فين انجز يا عم اديني ربع ساعة واقف مستنيك اخلص عايز احضر المحاضرةفاضلها 10 دقايق و تبدا انت فين دلوقتي حسام: يا عم انت ما بتشوفش من قفاك ولا ايه انا وراك يا عم0 احمد بص وراه وبيقولوا وهو بيسلم عليه:هو في حد بيشوف من جفاه يا غبي0 حسام: ايوه صح عديها عديها0ازيك يا احمد وحشني يا بني عامل ايه في غيابي طبعا مخنوق ومتدايق و00 احمد حط ايده على فم حسام وقاله:انا كويس ورايق طول ما ده مقفول0امسك يا عم انا صورتلك كل المحاضرات اللي فاتتك0المهم طمني عليك ايه اخبار شغلك الجديد مستريح فيه0 حسام:الحمد لله كله من فضل الله وبعدين ده من كرمك انت يا كريم لولا ان الراجل صاحب المحل صاحب باباك لولا انه شغلني عنده ونا لسه بدرس0بس الحمد لله على كل حال0 كريم:ايوه احسن كلمة قلتها انك تحمد ربنا في كل حال ع السراء و الضراء وفي النهاية بقولك قول الله تعالى"بسم الله الرحمن الرحيم:قل لن يصيبنا الا ما كتب الله لنا" صدق الله العظيم حسام:صدق الله العظيم0طول عمرك كلامك حلو يا كريم0المهم طمنى عليك عامل ايه0 كريم: انا الحمد لله بحاول السنة دي اجيب امتياز زي كل سنة انشاء ال وخاصة السنة دي صعبة شوية با انها آخر سنة, اهو بعمل اللي عليا وبسيب الباقي على ربنا سبحانه و تعالى حسام: انت تستاهل كل خير يا كريم و انشاء الله ربنا هيكرمك عشان انت طيب و ابن حلال و نيتك حلوة كريم: ايه يا عم حسام الكلام دا كله انت هتشحت بيه ولا ايه0المهم دلوقتى هتحضر المحاضرة ولا هتروح شغلك حسام:لا0انا مستاذن من صاحب الشغل انا هحضر المحاضرة دي وهرجع على طول0 كريم:كويس خالص لان المادة دي صعبه قوي,يللا بقه عشان نحضر المحاضرة حسام:ماشي0 ياللا يا عم0
المشهد السابع
بوسي واقفة مع اخوها هيثم0 ريم معدية هي وهنادي بوسي :ريم ريم0بصت ريم وقالت لهنادي: بوسي بتنادي عليه تعالي نشوفها عايزة ايه هنادي: لع يا ست انا البت دي مش طايقاها اساسا بتقعد تتمايس بالكلام ونا مابحبش اكده, روحي شوفيها عايزه ايه واني وقفالك اهنه0 ريم راحت تشوف بوسي فقالت: ايوه يا بسنت0 بوسي:ريمpleaseعايزة منك المحاضرة دي0 ريم: ماشي يا بسنت بس على شرط بعد كده تحضريها فهمه0 بوسي:ماشي هيثم: ماتديها المحاضرة ولا انتي لازم تذليها عشان تديها المحاضرة, وانتي التانية ازاي تقوليلها ماشي انتي نسيتي انتي بنت مين ولا ايه؟ ريم: ايده مين الشخص ده يا بوسي انت تعرفيه؟ بوسي: ده اخويا هيثم0 ريم باستحقار: اخوكي هيثم: آه اخوها عند حضرتك مانع0ريم هتبصلوا بقرف وهتقوله: على فكرة اسلوبك في الكلام معايا مش عاجبني,ياريت يا بسنت تعلمي اخوكي ازاي يكلم الناس المحترمة,سلام يا بسنت هيثم بغضب:يا سلام وكلامي مش عاجب حضرتك في ايه بوسي: ريم انا اسفة ما تزعليش طب المحاضرة يا ريم ياريم هيثم:انتي كمان بتتاسفلها مين دي اساسا عشان تتاسفلها بوسي:انت ايه اللي عملته ده,هيثم ريم مش زي اي بنت0انا ممكن كده اخسرها وهي الوحيدة اللي بستنفع منها بالمحاضرات0 هيثم:انت ازاي تعرفي الاشكال دي وبعدين انتي تعرفي ايه عنها؟ بوسي: لآخر مره يا هيثم ملكش دعوى بريم لانها غير اى بنت0هيثم بص على ريم وهي ماشية بغيظ وراح هز دماغه0 ريم بتقول لهنادي:هنادي انا متغاظة من الواد اللي اسمه هيثم ده هنادي:آني مش فاهمه انتي كيف طايقه البت اللي اسمها بسنت دي دي غتته يبقى متوقعه مستنيه ان يكون خوها ايه عمرو دياب اياك لازم يبقى غتت زيها ريم: بيكلمني بعنتزة كده وعامل فيها راجل وبعدين انا عمري ماحد كلمني بالطريقة دي, انا متغاظة يا هنادي متغاظة0 هنادي هتزيح ريم بقوة وتقولها:ما خلاص يا ريم وه فلقتي امي يا شيخه الله يخرب بيت بسنت على بيت خوها في يوم واحد ريم: بس هما الاتنين في بيت واحد هنادي: يللا عشان يتهد فوق دماغتهم مرتين0اهدي بقه عشان خوكي جي وعلى فكره يا به خوكي حليوه قوي قوي ريم بقرف: يا به ماهي نقصاكي0 كريم: سلام عليكم0آه يا ريم خلصتي محاضرات؟ ريم:آه يا كريم دانا حتى كنت لسة همشي انت مش هتروح معايا ولا وراك محاضرات؟كريم: لا انا خلصت محاضرات بس في شوية مراجع عايز اشوفها في المكتبة حصليني انتي ع البيت وانا مش هتاخر0واثناء ما بيكلموا جت بوسي وقالت: هاي0 كريم بصلها بقرف وقال لريم:خلاص يا ريم خدي بالك من نفسك ريم: وانت كمان ومتتاخرش عشان نتغدى سوى بوسي: مش تعرفينا بالباشمهندس يا ريم؟ كريم:وانا مش عايز اتعرف0سلام يا ريم -هنادي جلها تليفون ومشيت بعيد عشان تتكلم-بوسي:ايده مين ده يا ريم؟ ضحكت ريم وقال:يا سبحان الله ده اخويا كريم بوسي: ومال اخوكي بيكلمني بقرف ليه كده ريم:بيكلمك بقرف؟!بوسي:ايوه انتي ماشفتيهوش بصلي ورد عليا ازاي من الواضح كده يا ريم انه مش عارف انا مين, ياريت لما تشوفيه تقوليلوا ان بسنت حازم نصار محدش يكلمها بالطريقة دي ريم: بسنت كريم اخويا ما بيحبش دلع البنات ولا ليه في الكلام مع البنات اساسا بوسي: ايوه ياريم انا مش زي اي بنت وبعدين هو في ولد فيكي يا جامعه يرفض يتكلم مع بوسي بنت رجل الاعمال الكبير حازم بيه نصار ريم: في حاجة يا بوسي ولا لسه هتجيبي اخوكي يكمل تهزيئه بوسي:انا كنت جيه اعتذرلك على اللي عمله اتش معاكي بس خلاص ع العموم ياريت ابقي تعرفي اخوكي انا ابقى مين و بنت مين عشان تاني مره يكلمني عدل وقوليلوا اني مستنيه اعتذاروا بااي ريم:ثانيه يابسنت العنتزه بتعتك دي لا عليا ولا على اخويا وانتي عارفة كده كويس لاني بكره كلمة(انا بنت مين)اللي كل شوية بتقوليها واول يوم اتعرفنا فيه على بعض اتفقنا انك ماتقوليش الكلمة دي معايا,وبعدين الحال من بعضه مانتي كمان لسة مكلمني اخوكي بطريقة وحشة جدا كلها عنتزة ياريت تكلميه وتفهميه انه لو فكر يكلمني ابقى يكلمني باحترام مش بعنتزه,خلاص يابسنت عن اذنك عشان متاخرش ع البيت مشيت بوسي وهية متضايقه وقالت بصوت واطي:ماشي ياللي اسمك كريم انا بقه لازم اعرفك بنفسي انا مين هنادي بتقول لريم:احسن عليا النعمة الواد خوكي طلع راجل صح مصلك البت للي اسمها بسنت دي متعنتزه وطالعة فيها قوي ومش لاقية حد يلمها والنهاردة خوكي لمها, وبعدين آني قلتلك 100مرة ابعدي عن البت آني مش دريانة انتي ماسكة في البت دي ليه؟ ريم:يا هنادي على الرغم ان بسنت روشة حبتين بس على فكرة قلبها طيب هية بس محتاجة لحد ياخد بايديها وانا انشاء الله بحاول معاها عشان تغير من نفسها للاحسن وربنا يهديها هيه وللي زيها هنادي:تغيريها,ابق قابليني,يا بنتي الاشكال دي عايزالها اللي يديها على دماغها مش يقف جمبها ماهو ابوها ده لو كان شكمها في البييت مكنتش هتبقى اكده0 ريم هتبصلها بقرف وتقولها:يشكمها امشي يا هنادي0
المشهد الثامن
عبد الكريم واقف مع هنادي فبيقولها:ايه يا هنادي خير لما كلمتك عشية في التلفون قلتيلي بدي اتحدد معاك في موضوع مهم خير هنادي: مش خير خالص بوي عزت واد عمي جه وطلب يدي من بوي وبوي وافق عبد الكريم:ايه بتقولي ايه يا هنادي طب انتي قلتيله ايه؟ هنادي:انا قلت لما اني مش هتجوزوا لاني مش ريداه ولما سالتني في حد فحياتك قلتلها له بس آني مش شايفه عزت غير انه واد عمي وزي خوي وبس0وبعدين يا عبده ايه اللي هيحصل دلقيت, آني مابقتش عارفه هعمل ايه في الموضوع ده0 عبد الكريم:كان بودي اني اقوم دلقيت وآجي اتقدم لبوكي وننهي المشكلة العويصة دي لكن انتي عارفة يا هنادي المشكلة اللي آني واقع فيها التار اللي عليا واللي مخبرش ممكن ينفذوه فيه امتى هنادي: يا عبده اقنع بوك انكوا تبادروا بالصلح عشان حياتك اللي فخطر دي وبكده تنتهي المشكلة وتيجي تتقدملي وبوي لما يلاقيني ريداك هيوافق عبده:بتتكلمي اكدي وكانك مش خابره بوي وعلتنا كلاتها اللي مش هيقبلوا بكده واصل ده بحر دم اديله كتير سايح مننا ومنيهم وعن قريب دمي اكيد هيسيح في البحر ده هنادي: بعد الشر عليك متقلش اكده وبعدين آني اول مرة اشوف نظرة الياس في عينك حاول تاني وتالت ورابع والف دي حياتك ولا حياتك ماتستهلش انك تحاول لو مكنتش تستاهل عنديك فهية كل حاجة عندي ظهرت ريم في اللحظة دي ع المسرح وشافت هنادي وقالت:معقولة 0هنادي المشهد التاسع ريم وهنادي قاعدين0ريم:ممكن اعرف يا هنادي مين الشخص اللي كان معاكي ده وياريت ما تكدبيش عليا؟ هنادي:ددد راجل شفتي قلتلك الصراحة0 ريم: ياشيخة شوفي ازاي ونا اللي كنت فكراها ست ومتنكرة في هيئة راجل لا صريحة يا بت-هنادي-مش احنا اصحاب-هنادي هتهز رسها -طب مش عايزة تقوليي ليه,انا افتكرت اننا قريبين من بعض لما جيتي وقلتيلي على موضوع عزت هنادي:خلاص هقولك مانتي صاحبتي,بس احلفيلي انك مش هتقولي لحد واصل ريم: عيب يا هنادي احنا اصحاب وعشان ترتاحي والله العظيم ماهقل حد,احكي بقة يا جميل مين ده؟ هنادي:اسمه عبد لكريم شخص طيب ومحترم غير انه بلدياتي من نجع واحد يعني قالي انه معجب بيه قوي وبصراحة آني كنت معجبة بيه بردك بس مكنتش ببينلوا ايوه البت المحترمة مينفعش انها تبين للواد انها معجبة بيه,فاستنيت لحد بقة لما هو ادلق وقالي يا هنادي انا معجب بيكي وبدي اتجوزك, رحت انا قلتله:ايده ايه قلت الادب دي بص يا جدع انت اوعى تفتكر اني من البنات اياهم اللي بيدوخه بكلمتين له فوق دني هنادي يعني لو بتحبني ورايدني ع البيت طوالي مفهوم ولا له ريم:يانهار اسود عليكي وع الكلام الدبش اللي بتقوليه امال لو مكنتيش معجبة بيهكنتي هتعملي ايه,نهايته و بعدين هنادي:وبعدين جت المصيبة الكبرى ريم:ياساتر يا رب مصيبة ايه هنادي: طلع عليه تار وحياته مهددة بالقتل عشان اكده مقدرش ياجي يتقدملي لن يا ريم هو عايز ينهي موضوع التار ده باي وسيلة لكن بوه مش موفق ع الصلح اصلك عيلة عبد الكريم عيلة كبيرة قوي عندينا في النجع ويبقى عار عليهم لو بدوا بالصلح شوفتي الوكسة اللي انا فيها0هتعيط بطريقة مضحكة ريم: اهدي يا هنادي كل مشكلة وليها حل انشاء الله هنادي:حل ايه بس يا ريم عاداتنا و تقاليدنا دي هتودينا في داهية من نحية اهلي هيغصبوني على واد عمي وآني مش ريداه واللي انا ريداه عليه تار يامرك يا هنادي عل الوكسة اللي انتي فيها0دبريني يا ريم انا ملياش غيرك الجاله من بعد ربنا سبحانه وتعالى ريم سكتت شوية وقالت:طب اهدي وتعالي نحضر المحاضرة اللي فضللنا ولما نخلصها اوعدك اننا هنقعد ونفكر في حل هنادي بتمسح دموعها في كمها وقالت عندينا مين دلقيت؟ ريم بتقول بكل سعادة:د/احمد يللا بقة يا قمر و انشاء الله هنلاقي حل0 ظهرت بوسي على المسرح وبصت في الساعة و قالت:اعتقد انه المفروض يطلع من المحاضرة دلوقت0اهو جي يا بوسي روحي زعقيله جامد عشان تاني مرة يعرف بيكلم مين ظهر كريم ع المسرح بيتصفح في كتاب واتجهت بوسي اليه وقالت بعنتزة وبصوت عالي:بقة انت مش عايز تتعرف عليا انت اكيد مش عارف انا مين كريم بصلها بقرف وقال:عن اذنك يا آنسه بوسي:علي فكره مش من الذوق انك تسيب آنسة زي القمر بتكلمك وتمشي انت انسان قليل الذوق كريم:انا انسان قليل الذوق انتي اللي انسانة مش محترمة كل يوم بشوفك وقفة مع ولد شكل وقفة مش محترمة حتى لبسك وطريقة كلامك مع الناس مش محترمة0بصي يا آنسة انا هنصحك نصيحة من اخ لاخته مع اني عمري ما هبقى هيثم ولا انتي هتبقي ريم,الاولاد اللي انتي بتقفي معاهم وتقعدي تهري وتتحكي بطريقة غير محترمة بيقعدوا يتكلموا عليكي مع اصحابهم اول ما تمشي وبيقول عنك كلام قذر فياريت تتسنبهي لنفسك,ربنا يهديكي عن اذنك بوسي بغضب:انت ازاي تكلمني وتقولي الكلام ده اهو انت اللي مش محترم0وقعدت تبكي وتكلم نفسها:ليه يا كريم كده بقة انت شايفني كده في نظرك0بس عنده حق كل اللي قاله صح كل اللي انتي بتعمليه في حياتك غلط في غلط0بس انا معذورة محدش قاللي انه غلط بابي ومامي على طول مشغولين حتى هيثم علاقتي انا مش علاقة اخوات ابدا عمر ماحد فيهم نصحني وقالي اللي بتعمليه غلط0مش لازم حد يقولك ربنا عطاكي العقل والدين ودول كافيين عشان يفهموكي الصح من الغلط0جرحتني يا كريم بكلامك لكن انا هوريك انا هتغير وهكون احسن من اي بنت في الكلية واحسن من ريم كمان وهوريك يا كريم اما خليتك تيجي لحد عندي وهتموت عشان اكلمك مكنش انا بسنت حازم نصار0ماشي يا كريم ماشي0 المشهد العاشر الام بهانة:ياسعدية انت يا بت سعدية:ايوة اهاه ايوة يا مايا انا جاية اهوا,جايبالي عريس آني عايزة عريس0 الام:عريس ايه يا منيلة على عينك كنتي بتعملي ايه في الشارع انطقي0 سعدية:اهه اهه اصل آني كنت بضرب العيال في الشارع وضربت الواد دوحة بتاع البلالين0 الام:ضربت ليه ياللي ينقصف عمرك الاهي يجيبولي خبرك بكرة يا سعدية يا بت عوضين0سعدية:يجيبولك خبري,يجيبوه منين اهه مين هو خبري ده عريس عريس يا مايا0الام:شوف البت متصربعة كيف على الجواز انطقي ضربتي ليه الواد دوحة سعدية: اصل آني ياامه كنت بتعلم فيه كيف اضرب جوزي لما اتجوز الام:مش لما تبقي تتجوزي الاول بلا خيبة هو انتي اللي هتضربي جوزك؟ سعدية:هاها ايوه يامايا مني لازم أأدبه وأعلمه عشان ميطفش مني,الا قوليلي ياماي هو بوي طفش منك قبل اكده,طب طب انتو جيبتونا كيف هه يامايا جيبتونا كيف وانتي كنتي مطفشاه,باللاسلكي اللي بيقولوا عليه في المخروب التلفزيون؟ الام:يهديكي ربنا يا سعدية يابتي عيب يابتي ماتقوليش اكده عشان تتجوزي واخلص منك0سعدية:لع لع يامايا مهاتخلصيش مني اناانا اللي هغور من وشكم العفش ده الام:شوف ياختي البت بتتحدد كيف وكاننا حطينها في سجن سعديه:اللا قوليلي يامايا الام:في ايه يا واكلة ناسك خبر ايه سعديه:هو عريسي جي ميته؟ الام:جي الليلة ياسعديه بس قولي يارب اول مايشوفك مايهربش سعدية:يهرب0يهرب يروح فين الام:يطفش ياسعديه اول مايشوف طلعتك البهية دي ويسمع صوتك ده لازم يهرب0سعديه:متخافيش يامايا انا عاملة حسابي الام:عاملة حسابك عاملة حسابك في ايه,وبعدين ايه اللي في ايدك ده؟ سعدية:دي سلسلة كلب0الام:سلسلة كلب!هتعملي بيها ايه؟ سعدية:عشان اول ما ياجي العريس هربطوا بيها عشان ميهربش ونتجوز,ايه بقه رايك في دماغ بتك سعدية الام:هتربطي عريسك بسلسلة كلب ياسعدية,يديكي ويحط فيكي ياسعديةيابت بطني انا خلاض ضمنت انك هتقعدي في قرابيزي طول العمر سعدية:واقعد في قرابيزك ليه منا هقعد مع ميشو جوزي الام:لااهاانتي هتموتيني ناقصة عمر انا هندهلك بوكي يشوفله حل معاكي سعدية:عايزه تموتي روحي موتي بعيد عني متبوظليش الجوازة عليا الطلاق لو متي قبل متجوزيني ماني حزينة عليكي الام:منك لله ياسعدية هقل ايه فيكي غير اكده0ياعوضين انت ياعوضين الاب:ايه ياوليه خبر ايه الام:تعال شوفلك حل مع المتعوسة بتك الاب:مالها,مالك ياسعدية0سعدية:بوي الاب:ايوة ياسعدية في ايه حصل ايه سعدية:بوي امايا عايزة تموت قبل متجوزني اقلك لو ماتت جوزني انت يابوي0الاب:قولي انشالله ياسعدية كل شيئ باوانه الام:يانهارك اسود يا عوضين بتك بتقلك امي هتموت وانت تقلها قولي يارب الاب:يعني هو محوق فيكي مانتي زي القرد اهه سعدية:اوعاك تموت قبل متجوزني الاب:جاكي حنوتي ياخدك انتي بتفولي عليا يا بت الام:ومالك اتخرعت ليه اكده متخافش من الموت اصله مبياخدش الناس العفشة0الاب:ماشي يا بهانه ماشي انت وبتك آني سيبلكوا الدار وماشي سعدية:ياللا مع ستين(سلامة)الطريق اللي (يودي)تروح انت ييجي غيرك وياريت يكون عريسي الاب:بتدعي علي بوكي ياسعدية حااضر آدي دقني اهه لو اتجوزتي سعدية:ياعم روح آني مش فضيالكوا اروح اجهز نفسي بقه0
المشهد الحادي عشر ريم:عارفة ياهنادي مين اللي هيساعدنا في موضوع عبد الكريم؟ هنادي:مين ياريم؟ ريم:د/احمد هنادي:د/احمد!ريم:ايوة انا عرفت انه بيحضر رسالة ماجستيرومن خلالها بيقدم حل للقضاء على التار,قلت فيها ايه لما نعرض عليه انه يساعد عبد الكريم هنقوله انه قريبك هنادي: تفتكري هيقبل يساعدنا؟ريم: وليه لا وخاصة انه طيب وابن ناس ومؤدب0هنادي: هيي حيلك خلاص ماشي ريم:احنا هنستناه اول ما يطلع من المدرج هنقله (د/احمد جي عليهم)ريم:د/ احمد لو سمحت د/احمد:نعم ريم:ازي حضرتك اولا0د/احمد:الحمد الله,انا عرفك انتي الآنسة ريم صح ريم بفرحة:آه صح الحمد لله ان حضرتك فاكر اسمي"راحت زغدتها هنادي" ريم:دكتور احنا كنا عايزين حضرتك في موضوع مهم فلو تسمح اننا نيجي مكتب حضرتك رن

شكرا للك بردو والمزيد

اى خدمه

الله يخليك

ويخليك يا امووور

العفووووووووووووووووووووو

شكرا