أنا بحب البسبوسة اوي وعملتها امبارح
وصورتها
وهقول لكم على طريقتها علشان خاطر عيونكم
المقادير2 علبة بسبوسة جاهزة
3 ملاعق سمن بلدي أو زبدة
كوب زبادي
ملعقة صغيرة بيكنج باودر
كبشة جوز هند مبشور
وأنا عملت صنيتين بنفس الطريقة
ادهني الصينية زبدة وحطي فيها البسبوسة
ودخليها الفرن تكوني مسخناه مسبقاً
وتسيبيها لحد ماتحمر
دي صورتها بعد مااستوت
ودي بعد ماسقيتها بالشربات
مقادير الشربات2 كوب سكر لكل كوب ماء
يترك على النار حتى الغليان
حطي له الفانيليا
وبعدين اعصري نصف ليمونة
واطفي عنه
مش لازم الشربات يكون بارد
ممكن تحطيه وهو سخن عادي على البسبوسة
بعد كده
تكوني محضرة كريم شانتي وحطاه في التلاجة للتزيين
وده كريم شانتي عادي اللي في السوبر ماركت
WIPPING CREAM
طبعاً قبل ماتقلبي البسبوسة لازم تبرد كويس جداً الأول أو تبات لتاني يوم
بس أنا عملتها وهى لسة سخنة علشان كنت مستعجلة عليها
فالكريمة ساحت عليها وماطلعش شكلها مظبط زى ماكنت عايزاها
أول حاجة قلبت الصينية الكبيرة
بعد كده حطيت عليها الكريمة
بعد ماسويت عليها الكريمة بالسكينة حطيت طبقة البسبوسة التانية
بعد كده ذوقتها بالكريم شانتي
بعد كده قطعتها زى التورتة
الكريمة سايحة طبعاً علشان كانت لسة سخنة كالعادة
بس احنا متفقين ان أهم حاجة الطعم مش الشكل
زي مااتعودتوا مني دايماً
ودي أول حتة من البسبوسة هديها لأول واحدة ترد عليا ويعجبها الموضوع
مستنياكم تجربوها
وبألف هنا وشفا
أه
لما تجربوها
ماتنسوش تفتكروني وتدعولي
موضوع: بسبوسة بالكريم شانتي ........ بالصور 
