المرور كما يجب أن يكون.....................

مشكلة المرور فى مصر


]






مشكلة الاتوبيس دى اكبر مشكله كنت عاوز اعمل لها ادراج لكن مين هايسمع

تخيلوا الاتوبيس فى محافظتى بيكون مليان لاخره لدرجة ان الناس رجاله وستات بتكون لازقه فى بعض

طيب سؤال هو مين المسؤول عن كده

المسئوليه تخص المرور لكن المرور مش هايتحرك مهما ان حصل لان السواقين بيشتروا العسكرى بالفلوس

يعنى مثلا العساكر مخصصين اتاوه على السواقين علشان يسمحولهم بان الناس تركب فو ق بعض كده وبشوف بنفسى العسكرى يوقف الاتوبيس والسواق يديله الفلوس ولو العملية شاده شويه والعسكرى خايف احسن حد يشوفه تلاقى السواق يرميله الفلوس بعيد عن الاتوبيس علشان يرشيه
مره سواق رمى الفلوس للعسكرى فحبيت اشاكس مع العسكرى فقلتله حوش ال وقع منك

فوقفت احكى معاه قلى المعايش واديك شايف
طبعا ده عزر اقبح من ذنب

لما انت مش مكفياك الشغلانه دى راتبها اذا قبلتها ليه من الاول
هايقلى مفيش وظايف اقوله كداب ده حتى عامل الخرسانه يوميته تعدى الاربعين جنيه
ياخى اشتغل فى الفاعل وشهريتك تعدى الالف اكرملك من انك ترتشى وتبوظ فى البلد وغيرك يتعب
ولو السواق مدفعش العسكرى يديله مخالفه
طبعا عساكر المرور والسواقين كلاهم عاوزين يتضربوا فى ميدان عام علشان غيرهم يتعظ تخيلوا الستات بتكون لازق جسمها فى الرجاله وهم واقفين وزانقين فى بعض والسواق او التباع بتاعه مبسوط ومحدش فيهم عنده نخوه ويقول كفايه مش هانركب تانى علشان الوضع ده

لكن للاسف عاوزين يركبوا تانى واكتر كمان

ياترى مين ال هايتحرك ويصلح الاوضاع الخربانه دى



انعدام الزوق عند بعض الفئات أصبح شئ عادي
وخصوصا سائقى الميكروباس .. حتي انهم أثروا على الملاكي اللي أصبح يقلدهم..
كمان تلاقيهم محتلين لجميع التقاطعات الرئيسيه في الشوارع المزدحمه مما يتسبب في أرباك حركة المرور عند هذه التقاطعات ..

طول عمرنا نعرف ان القياده فن وذوق .. ولكنها أصبحت عافيه وأنانيه .. قدت السياره في دول كثيره .. ورأيت كيف ان قوانين المرور هذه شئ يحترم ..
الشارع مقسم لأماكن للسيارات وأماكن للمشاه وأماكن للعجل وأماكن للأوتوبيسات وأماكن للأنتظار ..
لا يستطيع اى انسان ان يقطع أشاره مثلا .. او ان يعكس الطريق ( عندنا يقوللك أخطفها ) .. ينتظر المشاه ان يعبروا الطريق حتى لو كانت أشارته خضراء ..( عندنا تلاقيه بيجري أسرع عليك عشان يرهبك ) .. هذا علاوه على قاعدة البوز بيز (booze base ) المشهوره واللي كلكم عارفينها

كمان أماكن الأنتظار وخصوصا اللي بيركن صف تاني وتالت كمان <_< .. حتى تحت بيتك تلاقي مشاكل بين السكان وبعض في أماكن الأنتظار ..
كل واحد كل همه ومشكلة حياته انه يلحق له مكان لسيارته تحت بيته ويمكن يعمل له سلسله وكأن الشارع ده ملكيته الخاصه ..
ياترى فيه أمل ان تحل هذه المشكله في القاهره؟ ياترى الناس لسه فيها أمل ؟؟ ولا خلاص اتعودوا وأدمنوا هذا الأسلوب الخاطئ في القياده وأحترام الآخر

ايه ده كله ، أسلوبك جميل فى عرض الموضوع انا بدأت اكتشفك من خلال المنتدى يارب دايما

تماااااااااااااااام كل الكلاممممممممممممممم